RIU Palace Aruba y RIU Palace Antillas a regala premio entre e mamanan

ORANJESTAD, Aruba – 18 di Mei 2017: Diabierna ultimo RIU Palace Aruba y RIU Palace Antillas a celebra dia di mama cu su empleadonan. Tur empleado cu ta mama a disfruta di e dia hunto como colega pero tambe cu nan hefenan. E mamanan a disfruta di un dushi lunch den tur dos restaurant na RIU. Durante e lunch e mamanan a haya e oportunidad di participa den un rifa, unda cu tabata tin diferente ganado.

E mamanan por a gana diferente premio manera, certificado di cena pa dos, certificado di spa, certificado di diferente tienda y como premio grandi tabata tin dos flatscreen pa cada RIU, pues 4 entotal. Empleadonan tabata super contento cu nan lunch y e rifa. Nan a pasa un momento agradabel y dushi.

Gerencia di RIU Palace Aruba y RIU Palace Antillas a felicita tur mama y tabata hopi contento cu e mamanan empleado cu a gana premio a keda feliz cu loke nan a gana. Pa dia di tata RIU Palace Aruba y RIU Palace Antillas lo premia e tatanan tambe.

Aki na Aruba, RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.

Famia Riu a funda RIU Hotels & Resorts como un hotel chikito na aña 1953, na Majorca, Spaña. Awendia RIU, cu ta partner cu TUI, e compania di tours mas grandi na mundo, ta ofrece 95 hotel, di cual riba 70% ta ofrece acomodacion “all inclusive”. RIU Hotels & Resorts ta bou maneho diario di e di tres generacion di famia Riu, cu su oficina principal na Majorca y ta conta cu riba 26 mil empleado y ta estableci den 19 pais, manera Spaña, Portugal, Irlanda, Alemania, Bulgaria, Turkia, Morocco, Merca, Mexico, Jamaica, Bahamas, Aruba, Costa Rica, Republica Dominicana, Panama, Cabo Verde, Mauritius, St. Martin y Sri Lanka.