A haci un donacion di 2,500 florin na ARA pa celebra

Oranjestad, Aruba– Renaissance Aruba Resort & Casino, conoci pa su isla priva exclusivo pa huespednan, ta cas pa e unico populacion di flamingo na Aruba. Den honor di ‘National Pink Flamingo Day’ e resort ta contento di anuncia casamento di dos flamingo residente; Allie y Noah lansando un campaña inspira pa flamingo cu ta urgi e huespednan pa descubri e criaturanan bunita aki y alabes cera conoci cu Aruba su historia y joyanan scondi.

Tabata amor na prome bista ora flamingonan Allie y Noah a topa otro pa prome biaha na Renaissance Private Island. For di e momento ey nan romance a desaroya den un amor extraordinario, incondicional y eterno na Renaissance Aruba. Na honor di ‘National Pink Flamingo Day’ Renaissance Aruba a casa e pareha flamingo local riba e isla priva di e resort. Aunke e intercambio di promesa tabata un evento intimo i priva, Renaissance Aruba a comparti imagen y video di e acontecimento riba media sosial pa un y tur por disfruta di dje. Huespednan a keda invita pa celebra e union aki durante un ‘Let’s Flamingle Happy Hour’ na BLUE Bar cu pa e ocasion special a wordo transforma den un ‘Pink Bar’. Invitadonan a brinda riba e union cu cocktailnan ros y un surtido amplio di bolo di casamento y cupcakes dorna cu e ‘hashtag’ #RenArubaFlamingoLove. Pa conclui durante di e celebracion a introduci tres cocktail nobo inspira pa flamingo riba e menu amplio di bebida di BLUE y SOLE Bar; Flamingo-tini, Flocktail y Frozen Pinkarita. Ademas di e casamento di e flamingonan, Renaissance Aruba a comparti mensahenan cu ta motiva e bon causa riba Facebook cu imagennan di e pareha flamingo. Na luga di regalo, e pareha a haci un donacion na nomber di Renaissance Aruba na organisacion ‘non-profit’ na bienestar di bestia ‘Animal Rights Aruba’ (ARA). Pa cada ‘like’ y ‘share’ Renaissance Aruba haci donacion di un florin na e organisacion. Asina por haci mencion cu dialuna ultimo Renaissance Aruba a haci entrega di un cheque na balor di Afl. 2,500 na ‘Animal Rights Aruba’.  E cheque a wordo entrega dor di sr. Paul Gielen, General Manager di Renaissance Aruba Resort & Casino na miembro di ARA, sra. Nathalie Booi.

Den combinacion cu expansion di #RenArubaFlamingoLove, e Resort a lansa #FlamingoFriday riba Facebook pa ‘highlight’ un dia den bida di un flamingo y pa pidi yudansa di ‘followers’ pa oficialmente nombra e 7 flamingonan residente. E nombernan cu a scoge ta Paradise, Rizzo, Pinky, Flamenco, Pink Floyd y Allie & Noah, inspira pa Nicholas Spark su pelicula “The Notebook.” Pa celebra e amor real di flamingonan, Renaissance Aruba a introduci un pakete romantico nobo ‘Discover Flamingo Love’ cuminsando for di $294 pa camber pa anochi (basa riba dos persona den camber). E pakete aki ta inclui; Acomodacion den Renaissance Marina Hotel of Renaissance Ocean suites, Pinktini cocktail na yegada di BLUE of Sole Bar , Champaña ros y strawberry cubri cu chuculati ros den camber, Posibilidad pa duna flamingonan cuminda hunto cu expertonan di e Resort na Renaissance Private Island, Un ‘photo shoot’ cu flamingonan na Flamingo Beach riba Renaissance Private Island , Un flamingo cu por supla y diberti cu’ne den pool. Pa haci reservacion bishita http://www.renaruba.com y uza e code promoshonal SO9.

Okeanos Spa tambe ta den gara di flamingo, introduciendo su pakete nobo “Pink Flamingo Happy Hour”.E pakete aki ta brinda tur cliente y futuro cliente di Okeanos Spa un ‘ultimate pampering’ pa 90 florin cu ta inclui; OPI Flamingo Pink pedicure, OPI Flamingo Pink manicure, Masashi di man i pia, Champagne ros, Macaroon ros, Acceso na Spa Deck, Acceso na Steam Room, Ta bon pa menciona cu e pakete aki lo ta obtenibel te dia 31 di augustus, 2015.