Den kuadro di MCB su “Rumbo pa 100” 100 karchi di disponibel via diferente programa na más ku 10 radio emisora lokal. Spesialmente pa su klientenan!

WILLEMSTAD- Bo Banko Amigu den kuadro di selebrashon di su di 100 aniversario huntu ku Fundashon Bon Intenshon ta sigui duna klientenan di Maduro & Curiel’s Bank oportunidat di gana karchi pa 1 anochi di Curaçao North Sea Jazz Festival 2016.

Siman pasá MCB a pone disponibel 100 karchi di 1 anochi di CNSJF pa su klientenan ku a bishitá Punda riba djaweps 18 di ougùstùs durante “Punda Thursday Vibes” i a swaip i kumpra algu na balor di un mímimo NAf. 25,–.

E siman aki, dianan 24, 25 i 26 di ougùstùs klientenan di MCB por yama durante diferente programa na más ku 10 radio lokal, kontestá preguntanan masha simpel ku tin di haber ku Bo Banko Amigu i gana karchi di 1 anochi di CNSJF. Lo tin un biaha mas 100 karchi di 1 anochi di CNSJF disponibel (50 karchi di djabièrne dia 2 di sèptèmber i 50 karchi di djasabra dia 3 di sèptèmber). Di e manera aki tambe Bo Banko Amigu ta sigui kompartí ku su klientenan i sigui gradisí tur su klientenan, na nòmber di gerensia i personal di MCB, pa nan konfiansa i lealtat na Maduro & Curiel’s Bank. Biba MCB i biba nos klientenan!