Dia 30 di mei próksimo

Despues di algun aña, e aña aki ta bolbe organisá e sertamen di Miss Gay Curaçao. Ya na aprel ultimo, a presentá e partisipantenan na prensa i a elegí Miss Press. Aktualmente e 5 partisipantenan ta den ful preparashon pa dia 30 di mei próksimo, fecha riba kua lo tin e Miss Gay Extravaganza Swimsuit Competition. E kompetensia aki lo tuma lugá na Floris Suite Hotel. E anochi aki, sin duda lo ta un anochi di hopi ekstravagansa, fantasia  i glamur. Koreografia lo ta den man di Vision, e grupo di baile ku ta kousando basta euforia den e mundu di entertainment aki na Kòrsou aktualmente. Un invitashon ta bai na un i tur pa presensiá e anochi fabuloso aki. Karchi ta optenibel serka tur partisipante i tambe na front office di Floris Suite hotel na balor di fl. 25.00.