ORGANISASHON
SHOW LATINO & MAS ta un organisashon nobo, pero integrá pa personanan ku tin vasto eksperensha riba e tereno di organisashon di evento di e magnitut aki, pues ku esaki nos ta garantisá un espektákulo na nivel kaminda e públiko ku akudí por disfrutá di ambiente tur afó kual ta loke nan a paga p’e.
EVENTO
E evento ta hiba di nòmber “Noche de los Reales”, kual lo ta e Mega Konsierto Bailabel ku lo tuma lugá dia 7 Novèmber 2015, riba e lugá di parker di e Sentro Komersial Sambil.
E nòmber ariba menshoná a wòrdu eskohí a base di e echo ku e dos artistanan bachatero grandinan ku lo presenta den e grandioso konsierto baliabel aki, kual nan ta Raulin Rodriguez i Frank Reyes ta yama nan mes respektivamente “El Cacique” kende ta rei di tribu Indjan i “El Principe” kual ta yu hòmber di un Rei, pues ámbos nòmber tin relashon ku e famia Real, pues korona.
ARTISTANAN
Tantu Raulin Rodriguez komo Frank Reyes ta bachateronan sumamente grandi I popular mundialmente i ta hopi gusta aki na Kòrsou. Nan tur dos tin un kantidat remarkabel di éksito riba nan nòmber. Tur hende ta kòrda “Princesa” di Frank Reyes i e mas resiente hit ku ta zonando ketu bai na tur radio emisoranan di Raulin Rodriguez kual ta “Esta Noche”.
Kòrsou lo keda representá riba e anochi grandi aki, pa e banda mas kotisá aktualmente DOLCE BANDA i tambe lo bai tei e famoso dj nan Argenis Huerta i Jose. E presentadó riba tarima pa e gran anochi lo ta e konosido El Fuerte.
ENTRADANAN
E evento lo bai tin tres sekshon kualnan ta Sekshon General na rason di Nafls. 75,– Sekshon Bachata VIP pa Nafls. 175,–, kual ta un sekshon ubika te dilanti di e esenario i e Sekshon Bachata VIP Lounge pa Nafls. 350,– ku ta All Inn, pero ta bon pa bisa ku e sekshon aki lo ta sumamente limitá, kual tambe ta keda te dilanti di e stage pero riba un plataforma mas haltu i den esfera di un real Lounge.
AKSESO NA SEKSHONNAN
Esnan ku tin un karchi di e sekshon General nan akseso ta limitá únikamente na e sekshon aki. Ku un karchi di Bachata VIP e persona aki lo tin akseso aparte di e sekshon konserní ei tambe esun General. Ku un karchi di e sekshon
Bachata VIP Lounge e persona tin akseso na tres sekshon.
GIMMICK
Riba dianan 3 i 4 Òktober próksimo. Solamente riba e dianan aki lo bai tin un kantidat di karchinan limitá di e Sekshon General ku su preis normal ta Nafls. 75,– únikamente riba e dos dianan aki por kumpr’é na e preis speshal di solamente Nafls. 50,– eksklusivamente na e booth di Show Latino na e Sentro Komersial Sambil.
Benta di karchi durante di e dos dianan di ‘Gimmick’ ta tuma lugá for di 12’or di mèrdia pa 6’or di atardi.
PUNTONAN DI BENTA
E benta di karchi di entrada regular lo start dia 5 Òktober 2015 pa e sekshonnan General i Bachata VIP kualnan lo ta optenibel na e puntonan di benta : Tik Tak, Beep Beep, 24 uur uit de muur, RS CD Center, Albert Hein, Van den Tweel na Janthiel, Beep Tiew na Berg Altena. Pa reservashon di karchi Bachata VIP Lounge tin ku yama e number 568-1200.
DOMINGO PLAYERO
Pa halsa e keintura aun mas promé ku e dia di e evento, djadumingu 1 November 2015 lo bai tin un asina yama “Domingo Playero” kaminda lo bai un tremendo ambiente kantu di awa ku músika bibu, kompetensha di bailamentu di bachata riba ritmo di e eksitoso bachatanan di e dos artistanan prinsipal nan aki ku oportunidat di gana karchi di entrada, produktonan di e patrosinadònan di e evento i hopi kos interesante mas.