Pa mas ku 25 aña kaba, Extura, bo man finansiero den temporada difisil, ta brindando un servisio di alivio na mas ku 20 mil kliente. Mas ku un seguro, Extura ta ofrese pas mental, paso awor ku bo ta na bida bo tin e oportunidat di regla bo entiero di un manera responsabel i konforme bo deseo.

KODUBETRE (Komishon Duna Bèk Trahadónan Extura) ta un tim ku a lanta riba inisiativa propio di e empleadonan di Extura. E enfoke prinsipal di e komishon aki ta pa duna bèk na komunidat i na mes momentu yama danki pa e konfiansa duná den e kompania di seguro i su trahadónan.

Na aña 2014 e komishon a skohe pa duna bèk den forma di malkria un señora ku tin mas ku 25 aña komo fiel kliente di Extura. A bai na su kas i a drecha esaki kompletamente. Durante henter un dia e tim a chapi kurá, saka shushi i fèrf e kas.

I pa sigui kumpli ku su mishon, djasabra proksimo dia 27 di yüni KODUBETRE ta organisá un ‘Ban Topa’ pa spesial ku diferente aktividat edukativo i chistoso. Pa medio di un programa spesial di kompiüter, sistematikamente a skohe 20 kliente ku huntu ku nan pareha lo tuma parti na e evento sosial aki. Ta bon pa menshoná ku e gastunan mará na e orgasisashon di evento aki ta wordú kompletamente dor di e empleadonan di Extura.

Sobra klientenan di Extura, keda pendiente, den futuro e tim di empleadonan lo sigui organisá proyektonan pa duna bèk na e klientela, paso di e manera aki ta duna kontenido na nos lema ‘Bo ta yen di Bida’.