WILLEMSTAD – Feria di Konosementu 2014, ku e tema “The Power of Knowledge” ta un proyekto di JCI United Citizens of Curacao ku tin komo meta pa duna bek na nos komunidat. Feria di konosementu ta un wikènt di training ku ta bai tuma lugá dia nan 7 I 8 di Novèmber 2014. Djabièrnè dia 7 di Novèmber ta bai tin un dia full di training di 08.30 am pa 16.30 pm na Amidos building, duna pa Ramfis Kolfin. Ramfis Kolfin ta un lider ku ta motivá i influensia ku  su eksperensia internashonal pa krea mas lider. Djasabra, dia 8 di Novèmber 2014 lo bai tin en total 8 kurso di kual nos lo ofresé 3 kompletamente grátis! Den kuadro ku e meta di e proyekto ta pa duna bek na komunidat nos lo ofresé e kursonan nan un kosto di ang. 35,– . Na final kada partisipante lo risibí nan sertifikado komo prueba di nan partisipashon na e kursonan. E kursonan aki sigur lo ta un balor agregá pa ku kada partisipante su desaroyo personal i tambe nan karera profeshonal. Tur e kursonan lo tuma lugá na UoC dr. Moises da Costa Gomez  I e partisipantenan por registrá pa mas ku un kurso teniendo kuenta ku e skema.  Partisipante nan por registrá na feriadikonosementu2014@gmail.com I tambe na e number di telefon 560-3688.  I subi nos página di facebook: knowledge is power pa por haña mas informashon di e proyekto.