Un oportunidat di oro pa esun ku ta aspirá pa bira empresario.

WILLEMSTAD – JCI United Citizens of Curaçao den kolaborashon ku DCSX ta lansa e proyekto CurBiz ku E evento pa empresario: FERIA PA EMPRESARIO NA KAMINDA.

CurBiz ta un proyekto ku ta enfoká riba e individuo ku ta aspirá pa bira un empresario òf ku ya a kuminsá ku e proseso pa lanta su propio empresa pero ku tin nesesidat pa mas tantu konosementu i sosten. E proyekto aki ta ofresé tur partisipante guia, konosementu, oportunidat pa sera konosí ku otro empresario, i tambe un chèns pa presentá nan konsepto di negoshi dilanti posibel invershonista.

Djasabra próksimo tur persona ku ta aspirá pa bira empresario òf ku ya kaba a kuminsá ku e trayektoria ta bon bini pa pasa na Kura di Arte pa un anochi kargá ku informashon, motivashon, i oportunidat pa sosialisá ku otro empresarionan. Riba e dia aki ta bai tin diferente kompania pa proveé informashon balioso di kon pa kanilisá e proseso di fundá bo propio negoshi. Tambe ta bai tin varios oradó presente pa komparti algun palabra di motivashon ku abo tambe basá riba nan propio eksperensia komo empresario.

Durante e anochi ta bai tin presentashon di Eugene Maduro (Living Green Furniture), Igmar Comenencia (Kuki Monster), i tambe Naomi Silvanie. Komo chèri riba e bolo, Sra. Nelida Cathalina [fam] ta bai duna un workshop pa motivá i inspirá tur ku ta aspirá pa bira empresario òf ku ya kaba a kuminsa ku e trayektoria pero ku tin mester di guia. Tur esaki nan ta kompletamente grátis.

Pues bo ta keda kordialmente invitá pa asistí FERIA PA EMPRESARIO NA KAMINDA.

Fecha: 22 aprel 2017

Luga  : Kura di Arte (Pietermaai)

Orario: 17:00 – 21:00

Preis   : NAF 0.00 (GRATIS)

Por registrá na curbiz.jciuc@gmail.com òf tuma kontakto na +59996706268.