WILLEMSTAD – E siman aki Fun Miles a lansa su revista nobo ’Fun’. E revista ta yen di entrevista, reportahe, artíkulo tokante kosnan ku ta hasi bida leuk i ta grátis. Lo tin informashon tokante di hendenan ku ta inspirá, kuminda dushí, salú, beyesa, biahamentu i hopi kos mas. No opstante e ku revista tin yen di oferta di Fun Miles, e no ta un foyeto di propaganda, pero un revista ku ta brinda yen di kos plasentero pa lesa pa hinter famia. E revista ‘Fun’ ta optenibel grátis for di e siman aki na Fun Partnernan i lo ta riba merkado tres bes pa aña den edishonnan spesial na: Kòrsou, Boneiru, Aruba i St. Maarten.
FUN DEN FORMA DI UN REVISTA
Fun Miles ku ya pa 16 aña ta para pa un organisashon ku ta perkurá pa kosnan atraktivo, ta lansa e revista aki pa trese e eksperensia di plaser mas serka di hendenan ku tin karchi di Fun Miles. Riba portada di e promé edishon Ruckly Ettienne ta bria, konosí di su talkshow na radio Jolly Zone na e emisora TCFM i di e gruponan musikal hubenil Epic i Blitz. Di otro e direktor di di MCB, sr. Chicú Capriles ta laga nos sera konosí mihó ku su parti ‘fun’, i e felis ganadó di ‘Fun Challenge‘ lo por usa 15.000 Fun Miles den dos ora. Tur hende lo topa ku algu di su smak. A pensa hasta riba paginánan atraktivo pa mucha.
GLOSSY I GEZELLIG
‘Fun’ ta un revista profeshonal den formato A-4, hinká den otro pa un tim kreativo i eksperensiá ku ta konsistí di e fotógrafonan Marika Ringnalda i Brett Russel, e skirbidó di teksto Willem J. Blankenburgh di De Schrijfkeizer B.V. i e diseñadónan Peter Reijmer i Gijs Zegers di PRGV 100% Creatie. Banda di ku e revista visual ta hopi atraktivo, ‘Fun’ ta un revista dushi pa lesa. E eksperensia di un ratu di ‘Fun’ ta biba den e revista aki i ta brinda hopi alegria i positivismo. Hendenan ku tin un karchi di Fun Miles lo lesa di hopi manera pa saka mas ‘Fun’ for di e Mile-nan ku nan a spar, por ehèmpel via tep i ofertanan.
MAS INFORAMASHON?
Tuma kontakto ku Fun Miles su departamentu di Servisio na Kliente na 465 3300 òf bishitá funmiles.net òf facebook.com/funmiles.