‘FUN-EXPERTNAN’ A PASA UN DIA FESTIVO HUNTU

WILLEMSTAD – Fun Miles resien a trit su trahadónan ku loke ta hasi e organisashon asina eksitoso pa 15 aña; fun. Fun Miles a invitá su personal kompleto pa pasa un dia na Santa Barbara Resort, kaminda ku a malkriá nan ampliamente. Banda di e hecho ku tabatin tratamentunan relahante den spa, kuminda i kos di bebe di kalidat, tabatin un dósis grandi di harimentu. “Esei no ta straño,” segun Fun Miles. “Meskos ku hendenan ku ta vegetariano lo no por ta bon bendedó di karni, hendenan ku no por krea ambiente alegre, lo no por a hasi Fun Miles organisashon alegre i eksitoso ku e ta ya pa 15 aña. Nos tim ta konsistí di hendenan ku ta eksperto den hasi kosnan ‘fun’ , i un dia huntu manera esun na Santa Barbara ku e personal di Fun Miles di mes tabata un dia èkstra dushi i alegre.”

DI SPA TE UN BITER

E 11 miembronan di personal a gosa di un programa amplio di spa, manera manikür, pedikür, masashi, i tratamentu di kara. E konosido ‘business inspirator’ Vanessa Gomes, a perkurá pa un training edukativo i alabes ‘fun’ tokante  ‘Personal Wellness’, loke ta esensial pa un kontinuidat di un organisashon dinámiko manera Fun Miles. E Fun Milers nan a gosa di un dushi almuerso na Shor Restaurant & Lounge i na final di e dia a selebrá huntu ku un tradishonal bríndis. E trahadónan tabata hopi kontentu ku e dia i a komentá; “Nos ta apresiá e gesto aki masha hopi. Esaki ta konfirmá un biaha mas ku nos organisashon ta unu ku ‘fun’ ta hopi importante, no solamente pa miembronan di Fun Miles, pero tambe pa nos ku ta personal.”

TOKANTE FUN MILES

Fun Miles ya pa mas ku diesinku aña ta é programa di spar i troka den Karibe. Ku mas di 150.000 miembro repartí riba sinku isla, Fun Miles ta fuertemente ankrá den komunidat i ta ofresé kontinuamente posibilidatnan nobo pa trese kosnan ‘fun’ na alkanse di su miembronan. Esaki ta posibel danki na partnernan ku ta varia for di supermerkado te ku aereolinia, i di restorant te ku pòmpnan di gasolin. Por spar Fun Miles na mas ku 150 lokalidat na Aruba, Boneiru, Kòrsou, St. Maarten i St. Eustatius. Alabes por troka Fun Miles pa un tesoro di produkto i servisio grátis. Fun Miles ta semper den sentro di atenshon danki na kampañanan inovativo (entre kua e kampañanan di fin di aña), eventonan i su kolaborashonnan ku su partnernan.

MAS INFORMASHON TOKANTE FUN MILES?

Tuma kontakto ku servisio na kliente di Fun Miles na 465 3300 òf bishitá funmiles.net òf facebook.com/funmiles.