ORANJESTAD, Aruba – 27 di Februari 2018: E aña aki Tiger Taekwondo Academy ta organisa e di 19 Tiger Taekwondo Open International Championship, cu a cuminsa 19 aña pasa como un soño. E evento aki den pasado tabata Tierra del Sol Opening, pero despues a cambia esaki y master Theo Rodriguez a cambia e competencia aki pa bira un Open Championship di Aruba.

No tabata facil pa organisa e evento, ya cu mester a haci hopi evaluacion, deligencia y a cana diferente caminda pa por haci e evento aki un realidad. Tiger Taekwondo Acadamy ta organisa esaki cu cada mayor, kendenan semper ta colabora p’e evento pa asina e ta un exito completo. Despues di hopi tempo, a ricibi ayudo di Fundacion Lotto pa Deporte y Comision Subsidio, unda a logra haci e competencia aki bou guia di nan. Master Rodriguez a acerca Fundacion Lotto pa Deporte un biaha mas pa yuda cu e evento aki, pero tambe el a manda carta pa Minister di Deporte, pa asina por realisa e evento aki bon.  Tiger Taekwondo Academy a bay Las Vegas, Merca y aki a haci propaganda completo di e evento, dunando tur informacion necesario. Haciendo esaki nan ta treciendo diferente atleta di taekwondo. Lo conta cu 15 referee internacional, di cual di cada pais lo tin 1 referee pa asina por haci e evento aki uno grandi.