Djasabra 20 di Desèmber Fundashon Karnaval Banda Bou a firma akuerdo di spònser ku Auto City i Isuzu pa Karnaval 2015. E apertura di Karnaval di Banda Bou lo tuma lugá 4 di yanüari 2015 na Westpunt, playa Piskadó, kuminsando for di 12or di mèrdia ku un BanTopa kaminda lo tin diferente stent kaminda por kumpra kos. Ainda tin oportunidat pa reserva stent pa dia di apertura.  Si ta interesá pa reserva un stent pa bende kos por tuma kontakto ku Selfrin Henriquez na number di telefon 666-6589 E elekshonan di Reina Prens i Pancho di Karnaval di Banda Bou lo tuma lugá dia 24 i 25 di yanüari r na Landhuis Groot Sta.Martha. Ainda tin oportunidat pa inskribí pa partisipá den e elekshon Hubenil. Pa inskribí pa e elekshonnan di Reina Prens i Pancho Hubenil di Karnaval di Banda Bou por tuma kontakto ku Louise na number di telefon 525-0312 òf Lisette na number di telefon 511-8916. E marcha di Karnaval di Banda Bou lo tuma lugá djasabra  14 di febrüari 2015. Ainda tin oportunidat pa inskribí grupo di karnaval pa partisipá den e marcha di Banda Bou. Pa inskribí grupo di karnaval por tuma kontakto ku Inaida Hooi na number di telefon 5268-827 Na nòmber di henter e pueblo di Banda Bou, nos ke gradisí Auto City, ISUZU i tur otro spònser di Karnaval di Banda Bou pa nan aporte na Karnaval di Banda Bou pa asina yuda engrandese e Karnaval di Banda Bou ..