Jesus Edmundo Gaari riba su trayekto di revalidashon.

Rhadaymis Mendoza Gusman,  a hasi un entrevista ku meneer Jesus Gaari, i e a komparti sierto parti nan di su bida. Por ehempel”  kon ela sera konosí ku Fundashon Pro Bista i tambe kon e lèsnan di “Braille” a bai. Despues ku meneer Gaari su yu muhé a fayesé, ela ripará ku su bista a kuminsa bai hopi patras. Su yu hòmber a partisipá den un kurso na Fundashon Pro Bista i mirando tur e posibilidatnan ku tin, su yu a puntr’é si kier a bira kliente di e fundashon.

Mener Gaari ta bishitá Fundashon Pro Bista for di luna di april di aña 2016. E ta bin un biaha pa siman. Den kumienso mener Gaari tabata desanimá, pero su kasá tabata yud’é i motiv’é masha hopi mes.

E promé medio ouksiliar ku ela risibí ta un stòki, esaki a fungi komo gia pa por orienta mientras mener ta kana, tambe e ela kumpra un telefòn serka e terapista di revalidashon `Geeta`. Les di braille tabata e sigiente training ku mener Gaari a risibi di e deparatamento di revalidashon.

Despues di 1 aña i 9 luna, mener Gaari a pasa su prueba di “Braille” ku éksito.

Awór ku e tin su sertifikado e ta hopi kontentu i agradesido na Fundashon Pro Bista i su su trahado `Geeta`.  Ku e mashin di “Braille” ku mener Gaari a risibi ta hasie posibel ku e mener por skibi su karta nan i of label su propiedad nan.

Mener Gaari ta laga un palabra di motivashon pa tur e klientenan ku ke tuma lès di “Braille” i tambe esnan ku ta risibí lès kaba.