WILLEMSTAD – Hendenan ku gusta bebe bon biña di awor en adelante por spar i troka Fun Miles na The Wine Factory, e sentro number un pa biña nèt banda di rotònde na Saliña. Un paso lógiko komo ku biña tin un faktor haltu di ‘fun’. Klientenan por skohe for di un surtido amplio di mas ku 200 tipo di biña na preisnan atraktivo. Ademas semper tin e posibilidat pa purba. Pa selebrá e introdukshon komo partner nobo di Fun Miles, The Wine Factory ta hasi esaki en grande ku un kampaña di premio durante periodo di Mundial di Futbòl ku ta dura te ku 13 di yüli 2014.

THE WINE FACTORY: MAS FUN DEN BO GLAS

The Wine Factory ta un sentro pa biña ku preis hopi atraktivo, ku ta konosí pa su ambiente trankil, i ku ta funshoná bou di e moto “biña no ta algu pa hasi kompliká tokante di dje, pero pa gosa di dje”. E kliente por skohe for di un surtido di mas ku 200 tipo di biña. Alabes e tin siguransa di ta risibí konseho amabel serka hendenan ku sa di biña. Un biña ku ta rekomendá na hendenan ku ta apoyá e selekshon di Hulanda ta: ‘9.5 Sweet Orange’. Danki na e kampaña di introdukshon komo partner di Fun Miles, e ambiente pa shòp na The Wine Factory durante temporada di ‘Mundial’ ta ainda mas dushi.

SCORE KU BIÑA I GANA DURANTE DI ‘MUNDIAL’

Miembronan di Fun Miles ku spar òf troka Fun Miles durante e periodo di ‘mundial’ (te 13 di yüli) na The Wine Factory, ta probechá tur siman di benefishinan i tin chèns pa gana premio. Te 27 di yüni awor por gana un kaha biña (2 x); di 28 di yüni te 7 di yüli tin chèns pa gana 1.000 Fun Miles; i durante di e último siman di ‘Mundial’ por gana un ‘wine tasting’ pa dos persona na The Wine Factory.

MAS INFORMASHON TOKANTE FUN MILES?

Pa mas informashon tokante Fun Miles yama e departamento servisio na kliente na 465 3300 òf bishitá funmiles.net òf facebook.com/funmiles.