Tur siman ta regala placa cash!

ORANJESTAD, Aruba – 24 di februari 2016: Premionan ta sigui drenta cu e campaña, “Gana Placa Cash cu Balashi”, cu a percura pa mas ganado ricibi placa cash. “Gana Placa cash cu Balashi” ta conta cu participacion di 20 supermercado rond Aruba, unda cu e team di Cerbes Balashi lo haci bishitanan di sorpresa. Riba cualkier dia di siman, na cualkier momento y sin avisa prome, e team di Balashi ta bishita un supermercado pa saca for di e tombola na e supermercado sorpresa un nomber. Esaki kiermen cu si abo tambe ta participa, bo yamada ganado di e team di Cerbes Balashi por bin na cualkier momento.

E ganado ta ricibi sea un di 5 premionan di 450 florin cash of e premio grandi di siman, esta Afl. 1000 cash. Simplemente e cliente ta tuma su recibo cu ta specifica si el a cumpra un six-pack of un caha di Cerbes Balashi, e ta skirbi su nomber y su number di telefon tras di e recibo y e ta deposita esaki den e caha special di e campaña “Gana Placa Cash cu Balashi”. Awo, mas y mas hende ta participa na e campaña aki, mustrando nan entusiasmo y alegria cu nan por gana e premio gordo di siman, kedando contento cu “Balashi.”