Willemstad – yüli 2014: Djabièrnè último señor Rothni Klepper, ganadó di Bai’e, den kompania di su famia a risibí su outo nobo nobo i un seguro di outo grátis di ENNIA durante un resepshon na restorant New York. E promé ganadó di e temporada nobo di “Bai’e” ta un penshonado di ENNIA. E felis ganadó a risibí e yabinan di su outo nobo serka Ralph Palm, ENNIA President of the Managing Board. “Mi ta asina kontentu i ta gradisí ENNIA pa e premio bunita akí.”, señor Klepper a bisa. Durante e entrega tabatin áwaseru di kònfèti i a toast ku shampaña. Durante e gameshow popular akí e felis ganadó su kasá Maria Klepper a represent’é. Un detaye great ta ku esaki ta promé outo di tantu señor komo señora Klepper. Promé bia ku señora Klepper a sinta tras di stür di un outo ta den e gameshow di “Bai’e”. Klientenan privá di ENNIA ku ke partisipá den “Bai e”, por inskribí via www.ennia.com. Klientenan ku ta kobra un penshun di ENNIA ta kompetí outomátikamente pa partisipashon den e programa. Tur luna pa medio di un rifa ta skohe partisipante. Ademas, e ganadónan di e outo ta haña un seguro di outo di ENNIA grátis pa un aña largu. Riba potrèt: Famia Klepper durante resepshon na ENNIA huntu ku Ralph Palm, President of the Managing Board di ENNIA i Hugo Lu Jen Tai, direktor di TeleCuraçao.