Si bo tambe a saka un potrèt; bishitá e wepsáit!

WILLEMSTAD: Resientemente Banco di Caribe a tene su Car Madness ku a resultá masha eksitoso; hopi tabata esnan ku a bishita e outoshow, skohe e outo di nan soño i apliká mesora pa un fiansa.  Dilernan di outo ku tabata presente a ofresé ofertanan spektakular i eksklusivamente pa Car Madness!  Durante di e outoshow Banco di Caribe a duna tur hende oportunidat di gana premio na momento ku nan saka un potrèt den e ‘photobooth’.  E tres potrètnan ku mas a ekspresá e tema di e outoshow lo a gana kada un respektivamente un MultiCard di $50. Hopi tabata esnan ku a saka un foto estilo ‘madness’ demostrando e ‘lokura’ i goso durante di e outoshow. Entretantu a saka e ganadónan i Banco di Caribe ta invitá tur ku a saka un foto pa bishitá www.bancodicaribe.com i tuma nota di e 3 fotonan ku a kai den premio. Alabes ta invitá e ganadónan pa buska nan premio promé ku djabièrnè dia 6 di òktober próksimo.

Na tur ku no a alkansá pa bishita e BdC Car Madness;  bishitá bo diler di outo preferí i ‘shòp’ e outo ku ta fit kubo! Trese bo ‘car order’,  bo último 2 slepnan di salario, e último 2 estado di kuenta (esaki si no ta kliente di Banco di Caribe ahinda), deklarashon di doño di trabou (no mas bieu ku dos siman)  i un identifikashon bálido na Banco di Caribe i risibí kontesta pa bo fiansa di outo den 3 dia di trabou. Banco di Caribe  ta ofresébo  posibilidat di finansiamentu  te  7 aña.  Pa informashon general di bo fiansa pa outo por bishitá e wèpsait òf yama Banco di Caribe na telefon 432 3200.