Willemstad – 30 desèmber 2015. Djárason 30 di desèmber 2015 Kooyman a sera su kampaña di Fin di Aña. E ganadornan di e Seadoo Spark, Samsung Smart LED TV i 40.000 Fun Miles a resultá di ta A. Fernandes, M. Falter i H. Munstra. Kooyman ta felisitá su ganadornan i ta spera nan lo disfrutá di nan premionan.

E kampaña di fin di aña tabata tin komo meta pa yama komunidat danki pa nan konfiansa i lealtat i tambe sera e aña festivo. Tur kliente ku a kumpra Naf 75 òf mas a risibí un lòt pa un chèns di gana un di e tres premionan. Kooyman a imprimí kasi 200.000 lòt di kual kasi tur a keda repartí.

Nos ta gradisí tur nos klientenan un biaha mas pa e konfiansa depositá den nos kompania i den 2016 tambe nos lo ta kla para pa yuda boso. Nos ta deseá tur hende un bon kambio di aña i tur kos bon pa 2016, asina Sr. Herbert van der Woude a kulminá.