Willemstad – 30 desèmber 2016. Djaweps 29 di desèmber 2016 Kooyman a sera su kampaña di fin di aña. E ganadónan di e Krusero all inclusive pa dos, e LG SMART TV ku su sound bar i 40.000 Fun Miles a resultá di ta F. Muñoz, R. Margaretha i G. Goilo. Kooyman ta felisitá su ganadónan i ta spera nan lo disfrutá di e tremendo premionan. E kampaña di fin di aña tabata tin komo meta pa yama komunidat danki pa nan konfiansa i lealtat i tambe sera e aña festivo. Tur kliente ku a kumpra Naf 75 òf mas a risibí un lòt pa un chèns di gana un di e tres premionan. Kooyman a imprimí kasi 150.000 lòt di kual kasi tur a keda repartí. Nos ta gradisí tur nos klientenan un biaha mas pa e konfiansa depositá den nos kompania i den 2017 tambe nos lo ta kla para pa yuda boso. Nos ta deseá tur hende un bon kambio di aña i tur kos bon pa 2017, asina Sr. Herbert van der Woude a kulminá.