a keda satisfecho ku kontrol di nan tésis.

WILLEMSTAD – Den kuadro di su promé aniversario, Caribbean Back Office Services (CBOS) a hasi tres studiante kontentu ku un kontrol di tésis grátis durante nan kampaña NO MAS DROPOUTS.

Den e último lunanan tras di lomba CBOS a saka tres ganadó en konekshon ku su kampaña NO MAS Dropouts. A selektá un ganadó den luna di yanüari, febrüari, i tambe mart. Tur tres studiante a risibí kontrol intenso inkluso tep i sugerensha di kon pa mehorá kontenido di nan tésis. Nos ta masha kontentu di por a sostené kada hóben ganadó den e etapa determinante aki di nan bida.

CBOS ta hopi bon konosí bou di studiantenan danki na su servisio pa revisá tésis den kua ta tene kuenta ku entre otro uso di idioma i tambe originalidat di kontenido. Nos ta semper kla pa asistí tur individuo ku ta bai gradua ku kontenido di nan tésis i tambe guia. Pues di nos parti tabata un plaser di por a malkriá tres studiante ku un kontrol di tésis kompletamente grátis. Promé ku nan a entrega esaki na skol nos a sòru pa nan tésis su kontenido ta den konteksto, sin eror, i ku bon formulashon di frase.

Tur tres hóben ku a gana, esta Darrellyn Alberto, Vanessa Castaño, i Christaly Bulo a keda kontentu i satisfecho ku e resultado na momentu ku nan a risibí nan tésis bèk serka CBOS. Esaki sigur ta un motivashon pa nos sigui aportá na nos sistema edukashonal. Un danki ta bai na tur ku a partisipá na e kampaña NO MAS DROPOUTS. Nos ta deseá tur hóben ku ta bai gradua e aña eskolar aki tur klase di éksito.

Pa mas detaye tokante nos servisionan bishitá nos página di Facebook òf www.cbos-curacao.com.