WILLEMSTAD – Yüni 2015– En konekshon ku Dia di Tata Renaissance Curaçao Resort a tene un kompetensia

di potrèt ‘Daddy & Me’ na unda ku tata i yu ta kompartí momentunan ‘fun’ ku otro. E kompetensia den tempu rekòrt a bira masha popular. Un total di 40 potrèt a partisipá. Un pènel di hurado skohé dor di Renaissance Resort a selektá 7 potrèt ganadó den dos kategoria; potrèt di mas prèt i e potrèt ku mas ‘likes’ riba Facebook. E premio pa e potrètnan di mas prèt a bai pa Sjuric i Sju-Angely Martis ku a gana un ‘weekend stay’ na Renaissance, Clifford i Kenzo Yung a gana un oloshi di Little Switzerland, Diego i Diona Pontelira a gana un oloshi di Freeport Jewelers, Mitch Koolmeyer i su dos yunan Neal i Ezaira a gana un sertifikado di regalo di Zazou na balor di $75 i Stephen Pomario ku su yu hòmber a gana un sèt di regalo di Delft Blue. Premio pa e potrètnan ku mas ‘likes’ riba Facebook a bai pa Giovanni i Ami Raghunath (853 ‘likes’) ku a gana un ‘goodie bag’ di Penha i Rumenigge i Divanigge Hanst (664 ‘Likes’) ku tambe a gana un ‘goodie bag’ di Penha. Esnan ku ta deseá di mira e potrètnan ku a partisipá den ‘Daddy & Me’ por bishita Renaissance Curaçao Resort su página di Facebook. Pabien na tur e tatanan ganadó!