Willemstad – E agrupashon musikal GIO Fuertisimo e aña aki ta selebrá 23 aña den e farándula di Kòrsou. Ku orguyo nos ta yama danki na Señor y tambe danki pa tur sosten ku nos a risibí durante tur e añanan. GIO Fuertisimo su selebrashon di 23 aña lo tuma lugá djabièrnè, 1 di yüli 2016 den Spoonz!!!
Pa selebrá e logro grandi aki di 23 aña den farándula ta bai tin un selebrashon grandísimo den un forma maratóniko. E selebrashon aki ta lo konsistí di presentashon di tur e kantante nan ku a forma parti di GIO Fuertisimo durante 23 aña: Luwi Jano, Tico Libiee, Clarck Zalm, Roald Balentien, Djuric Virginie, Gilltaly Doran, Leandry Gonzales, Clinton Hato, Willo Maduro y Dibo Doran.

Entrada pa e selebrashon aki tambe lo ta na un preis super speshal: Naf. 23 pa 3 karchi (optenibel na porta te ku 12am) Pa e sekshon VIP (karchi ta optenibel na number di telefòn 5610000 òf 5132841) Un invitashon ta bai na tur fanátiko, pa bin selebrá huntu ku nan agrupashon musikal faborito GIO Fuertisimo den GIO Mania 2016