Willemstad – No ta un sekreto masha dia mas ku e agrupashon musikal GIO Fuertisimo e aña aki ta
selebrá 20 aña. Ku orguyo nos ta yama danki na Señor y tambe danki pa tur sosten ku nos a risibí ku awe
nos por selebrá 20 aña. GIO Fuertisimo su selebrashon di 20 aña tei start pa sali e wikènt aki!!!
Pa selebrá e logro grandi aki di 20 aña den farándula ‘Antiano’ ta bai tin un selebrashon grandísimo i
fuertisimo. E selebrashon aki ta konta ku patrosinio di Polar y Refineria Isla.
Dia 21 di aprel 2013, nos lo kuminsá duna bek pueblo di Kòrsou ku e konsepto di: “GIO: Fiesta den bo
Bario”.
Kuminsando den luna di aprel te ku luna di òktober di 6pm- 12pm, GIO Fuertisimo lo toka den diferente
bario di Kòrsou. Entrada pa e fiestanan den bario ta pòrnada y tin oportunidat pa kumpra t-shirts, topjes
y stickers di GIO Fuertisimo!!! E skema y e repartishon den e bario nan ta lo siguiente:
Skema di Fiesta den bo bario:
• Brievengat 21 Aprel
• Barber 19 Mei
• Sta Maria 23 Yüni
• Montaña 21 Yüli
• Boca Sami 18 Ougùstùs
• Steenrijk “Gibi den su bario” 22 Sèptèmber
• Marchena 20 Òktober
Aki na Kòrsou ta bai tin un konsierto grandi na 6 Yüli ku lo tuma lugá na Parasasa. E konsierto aki lo bai
ta grandi paso lo bai tin hopi sorpresa entre otro artistanan invitá entre otro Ced Ride, Mr. Saab, Melania
van der Veen, Boy Thode, Reinir Lijfrock, Izaline Calister y Tony Sherman. Y e artista internashonal lo ta
Tito Nieves. Durante e nochi aki, únikamente piesanan komponé pa Gibi Doran lo wòrdu interpretá.
Durante e selebrashon aki lo involukrá e fanátiko nan di GIO. Lo bai tin gimmick nan den kua fanátiko nan
por gana premionan fabuloso.
Polar komo orguyoso patrosinadó lo sòru pa demas islanan ku ta forma ABC tambe ta parti di e
selebrashon. Kada un isla lo risibí un regalo fuertisimo di GIO den un forma musikal komo gradesimentu.
Dia 27 aprel benidero tur kos ta kuminsá na Aruba, despues lo kontinuá dia 1 di yüni na Boneiru i
despues lo kulminá na Kòrsou dia 6 di yüli.
Un invitashon ta bai na tur fanátiko, pa keda pendiente, siguiendo pasonan di nan agrupashon musikal
faborito, GIO Fuertisimo pa bo ta parti di e selebrashon.