Volúmen rèkòrt di benta pa 2015 | Sosten lokal pa Siloam

GRUPO BCD: 40 AÑA DI INSTINTO EMPRESARIALVolúmen rèkòrt di benta pa 2015 | Sosten lokal pa SiloamWillemstad, 27 di òktober 2015 – Awe e empresa internashonal di biahe BCD Group ta selebrá na Kòrsou su di 40 aniversario. E empresa a kuminsá na 1975 ku únikamente 2 empleado, pero den e último kuater dékada el a krese te bira lider di merkado pa loke ta biahe i stashonamentu ku mas ku 1500 ofisina i 12.500 kolaborador na 110 pais. E delastu lunanan Grupo BCD a mira su volúmen total di benta subi ku 4% i nan ta antisipá di por sera aña 2015 ku un volúmen rèkòrt di mas ku US$ 26 mil mion.Responsabilidat sosialSeñor Joop Drechsel, CEO di BCD Group: “Nos ta selebrá e di 40 aniversario den flor di nos bida, ku hopi eksperensia i un resultado empresarial sano. Sinembargo, e éksito aki ta trese kuné tambe un responsabilidat sosial i pa esei nos ta sostené rònt mundu diferente proyekto lokal pa mucha den pèrtá”. Na Kòrsou BCD Group ta akordá e lasonan mutuo atraves di sosten na Siloam Village ku un kontribushon importante na mobilidat di e muchanan. Siloam VillageFor di 1997 Siloam Village ta yuda mucha ku mester di kuido kompleho. Mucha ku no por keda na hospital mas, pasobra nan ta inkurabel. Pero tambe mucha ku temporalmente no por keda na kas, pasobra e ta menasá di bira un peso muchu grandi pa e famia òf pasobra e famia no ta den e posishon di por duna e kuido adekuá. Pa situashonnan asina Siloam Village komo sentro pa yuda mucha rekuperá ta un alternativa kaluroso kaminda e muchanan ta sinti na kas. Herman Gijsbers di Siloam Village: “Nos ta masha agradesido. E donashon ta pone ku nos por keda yuda i sostené e muchanan. Sin e yudansa, nos no por hasi apsolutamente nada. P’esei nos ta asina enormemente gradesido na Grupo BCD. Nos, di Siloam Village, ta deseá BCD Group na nòmber di tur e muchanan, e kolaboradornan i e voluntarionan pa Dios bendishoná BCD abundantemente!”. Huntu ku e tim, e pareha Bep i Herman Gijsbers ta traha pa e sentro krese mas i pa su ekspanshon.Fin di e komunikadoTokante Grupo BCDBCD Group ta un lider di merkado den e industria di biahe. Na 1975 señor John Fentener van Vlissingen a lanta e empresa privá aki i e ta konsistí di BCD Travel (biahe di negoshi), Travix (biahe online: CheapTickets, Vliegwinkel, BudgetAir, Flugladen i Vayama), Park ’N Fly (stashoná na aeropuerto) i joint ventures Parkmobile International (aplikashonnan móbil pa stashonamentu) i AERTrade International (consolidating i fulfillment). Grupo BCD ta aktivo na 110 pais ku mas ku 12.500 empleado i un volúmen total di bende na 2014 di US$ 25,6 mil mion, inkluso US$ 10 mil mion di volúmen di partnernan. Pa mas informashon, bishitá www.bcdgroup.com.