Helengue ta brinda un oportunidat fantástiko pa tur ku gusta bon ambiente. Si bo ke ta e modelo i e kara ofisial pa e grupo di karnaval Helengue, ata bo chèns. Djarason dia 1 di aprel (no ta 1 aprel joke) ta bai tin un casting na WTC di 17:00-19:00. E casting ta pa tantu hende muhé i hòmber i tur size i haltura. Tur persona ku pasa e casting ku éksito por gana un pakete fantástiko i atraktivo. Bini hopi kolorido, bon entusiasmo pa nos por sinti e vibrashon ku bo ta un “Helengero/a”.

Manda un broadcast pa tur bo hendenan konosí ku abo ta kere ku bo ta un bon modelo pa Helengue pa tur tei presente. Dia 1 di aprel di 17:00 pa 19:00 nos ta warda bo na WTC i 19:15 ta anunsiá e ganadónan. “Helengue, Ta nos tin e Ambiente”. Entrada i partisipashon ta grátis. Si bo ke inskribí pa bo ta den e grupo tambe bo por manda un WhatsApp na 0059995213700. I dia 8 di Aprel nos tin e di dos reunion i inskripshon ofishal pa bo ta den e grupo di karnaval. Esaki tambe ta na WTC 7:30 kòrda bin tempran.