Willemstad, Curaçao – Grupo di Karnaval Hubenil Little Twinkles a tene su presentashon di Trahe pa karnaval 2018 Djasabra ultimo na Kidi’s Park den Sambil. Ku animashon di Dj RO1/Dj Chris Little Twinkles a presenta su tres sekshonnan ku e lo bai marcha di Karnaval kune. Sekshon Gosadera I Sekshon mirami pronk a wordu revela I modela e anochi aki mientras ku e sekshon Zwaai bai bini ku ta Little Twinkles su arma sekreto lo wordu revela dia di Marcha hubenil.

Little Twinkles ya pa di dos anja konsekutivo lo bai partisipa na Marcha Hubenil. Pa anja 2018 Little Twinkles a krea e thema “Welcome to the City of Happyness”  Nos lema ta pa promove alegria unda ku nos bira . I ta esaki a inspira nos pa krea nos fantasia pa den 2018 nos por sigui briya tur dia.  Nos komo grupo kier mustra kon importante e ta pa nos mucha nan ta felis den un medio ambiente salu. I ta pesei Little Twinkles ku sumo plaser ta invita bo na su pais di alegria, Un paraiso di positivismo kaminda huntu nos lo bai selebra nos fiesta kultural , esun di mas gusta . Nos dushi karnaval. Nos ke kontagia korsou kompletu ku nos entusiasmo. Nos ke baila kanta gosa I disfrasa nos mes for di kabes te pia. Pesei nos a skohe e fantasia di Trolls ku ta nifika alegria, eta kolorido I ta simbolo di tur kos bunita I bon. Toowoomba ku ta nomber di nos paraiso kual ta un pais real ku ta situa na Zuid Australia ta un pais kaminda ku naturalesa ta e sentro di atenshon I te asta tin su propio selebrashon. Un Tesoro skondi Ku little Twinkles a deskubri. I e pelikula Trolls huntu a forma nos disfras ku nos lo bai desfila otro anja kune.

Awe nos ke aserká abo mayor ku tin un yu of mas ku tin e interes pa forma parti di un grupo dinamiko, edukativo anto yená ku ambiente. Tuma kontakto ku nos pa mas informashon na numbernan di telefon 685-0326

of 510-3790, via mail: Little.Twinkles.group@gmail.com of por bishita nos pagina sosial www.facebook.com/littletwinklesgroup dal un like, share e pagina i keda pendiente pa mas updates i notisia di grupo di karnaval hubenil “Little Twinkles”