Willemstad,  Déjà Vu Dancers a bin ku e inisiativa pa asina duna un aporte pa sigui engrandesé karnaval. Nan a bin ku e idea di forma un grupo di mucha mirando ku kada aña esakinan ta bira ménos. Tin hopi mucha den e edat di 6 pa 12 aña ku tambe ke forma parti di e fiesta kultural aki.

Dia 31 di yüli próksimo lo tin un atardi di inskripshon kaminda mayornan/representante lo por inskribí nan yu/nan,  pa asina nan por partisipá den e marcha di mucha 2017. E inskripshon lo tuma lugá na patio di teatro Luna Blou for di 3or te 5or di atardi.

Ademas di esei lo tin un dushi ambiente pa hinkabu den e esfera di karnaval.  Lo tin bendementu di kuminda, kos dushi i e muchanan lo por pinta nan kara karnavalesko.

Pa bo por inskribí bo mester paga un kontribushon di Naf 25,- riba e dia ei. Tur mayor, representante, muchanan ta bon bini pa asina forma parti di Déjà Vu Kids. Nos ta wardabu!

Pa  mas informashon por yama Sulaika Lourens na +5999 520-1200 òf por mail na desha_laika@hotmail.com