Dia 30 di aprel último, den un happy hour masha ameno aya na Gròt di Hato, Grupo VIBE a presentá su direktiva, banda musikal ku lo kompañanan i e trahenan ku nan lo lusi den Gran Marcha di Karnaval 2016.
E direktiva ta konsistí di e sigiente personanan: Presidente: John Heyer Vise Presidente: Solange Trinidad
Sekretaria: Ana Gonzalez de Freitas Tesorero: Annemarie Heyer Kordinadó di trahé: Roy Trinidad Nos meta ta pa e grupo keda formá pa hendenan “gezellig”, ku ke gosa i pasa bon, pero semper bai manteniedo nos norma i balornan. Nos grupo di enfoké pa loke ta mienbronan ta amplio, esta tur edat i tur genero. Ta e inteshon pa VIBE bai Gran Marcha 2016 ku e agrupashon musikal nobo 4Flavor ku Albertico Tico Libie komo animadó den marcha. E tema di e trahe ta “Gladiators go royal”. Durante e presentashon di trahe diferente opshon a keda presenta. Esei ta nifiká ku por “mix & match” i forma e totalidat ku abo komo partisipante ta sintibo komodo aden. Lo bai tin 3 sekshon, esta e sekshon di studiante, e sekshon Royal/prinsipal i e sekshon di karosa. Grupo VIBE su promé fundraising ta un “VIBE walk”ku ta tuma lugá dia 30 di oùgustus próksimo, saliendo pa 7or di mainta for di Plasa Brion i lo kaba bèk na Plasa Brion. Lo bai tin 2 ruta, un kòrtiku di 5 km i un largu di 10 km. Karchinan ta kosta solamente fl 15,– i por haña esakinan kumpra serka mienbronan di direktiva di VIBE i tambe miembronan partisipante. Bendiendo e “VIBE walk” aki, miembronan ta haña redukshon for di nan montante. Pa mas informashon tokante Grupo Vibe bo por subi nos Facebook page Grupo Vibe, por mail nos na grupodikarnavalvibe@gmail.com òf por yama e number di telefòn 522-vibe. Ku VIBE……e VIBE ta bon sigur!!!!!