Despues di wak bèk riba un aña di partisipashon eksitoso na karnaval 2014, preparashonnan fuerte ta tumando lugá den seno di Grupo di Karnaval Nos Tei i Nos Tambe Tei pa nan partisipashon na Karnaval 2015. Por wak kaba riba e promé aktividat pa generá fondo, kual tabata eksitoso i a laga hopi ketu bai indikando ku esaki bale un ripitishon. Algu ku a realsá partisipashon na karnaval 2014, tabata e sertamen Little Princess 2014 i kaminda Sjuliany Luijando a sali ganadó i tabata un digno representante di nos muchanan durante e marcha hubenil. Temporada di Little Princess 2015 ta bai ranka sali i e invitashon ta bai na mayornan interesá pa inskribí nan yunan pa partisipá na nos sertamen ku lo tuma lugá den yanüari 2015. Partisipando na Little Princess 2015 ta di un karaker i preparashon edukashonal i ta spesial pa hobensitanan entre 6 pa 12 aña. Produkshon di Little Princess 2015 lo ta na enkargo di Eduard Reineta. Pa inskripshon na Little Princess 2015 òf pa Grupo di Karnaval Nos Tei i Nos tambe Tei of kualkier otro informashon djis tuma kontakto ku nos na 519-2354 / 690-1111 of via email: gruponostei@hotmail.com fb: grupo nos tei / nos tambe tei. Keda pendiente pa e presentashon ofisial di dsifrasnan pa karnaval 2015 !