WILLEMSTAD – Aña 2013 ta yegando su final i ki mihó manera pa selebrá komienso di un aña nobo; den un ambiente nèchi i diferente, esaki sigur lo ta e Renaissance Rif Fort ‘Big Bang’ party! Manera ya ta un kustumber ‘Big Bang’ ta klá prepará pa brinda pueblo di Kòrsou un selebrashon pa habri aña nobo. Dia promé di Yanüari 2014 , despues di tiru for di 12:15am te 5:00am bishitá Renaissance Rif Fort ku famia i sernan kerí i yama bon bini na 2014 den un ambiente festivo. Renaissance Rif Fort sá eksaktamente kon pa lagabu festehá e promé dia di 2014 den forma tremendo; agregando un selebrashon ku ta atraé  un públiko inmenso i krea un ambiente di interkambio entre nos hendenan lokal i turista riba e promé anochi di e aña nobo. Durante e selebrashon spesial aki lo konta ku entretenimentu di agrupashon musikal DREAMS, Cache Royal i DJ Ro-1. Entrada pa ‘Big Bang’ ta kosta NAF 65, -adelantá i NAF 75.00 na porta, e dress code pa e evento aki ta; dress to impress. Karchinan ta optenibel na front desk di Renaissance Curaçao Resort, Mensings Caminada, Tik Tak, Beep Beep Rio Canario i Highway C-Store. Big Bang lo tin karchi VIP tambe na balor di 175 florin; e preis ta inkluí bebida i pasaboka. Karchinan di VIP lo ta optenibel solamente na Renaissance Resort front desk. E ‘Big Bang’ lo ta é fiesta pa habri aña 2014 kuné, nos ta topa den Renaissance Rif Fort, pues no pèrd’é!