(Un remetido di Willem van Kooten, alias Joost Den Draaijer, tradusí liber)

Hans Oosterhof, konosí komo Suhandi no tei mas. E la muri riba su Kòrsou stimá, ku ta pone kòrda su ainda mas stimá Nerderlands – Indie. Ounke su salú un tiki suak, e la kumpli 84 aña i e aña aki dia 17 di òktober lo el a kumpli 85. Hóben nan na India a dun’é e nòmber Suhandi, loke den maleis ta nifiká den forma respektuoso, Sr. Hans. Suhandi tabata hopi popular serka hóbennan, no solamente pa su programa di radio, pero tambe e tabata coach di un ekipo di futbòl i ta organisá diferente kampeonato pa hóbennan.Djis despues di segunda guera mundial el a bai biba na India kaminda e ta traha na e emisora di radio NIROM,Nederlands-Indisch Radio Omroep,ku awor aki tin un otro nòmber, Herrijzend Indie òf algu asina. Despues di kambio di poder el a biaha pa New Guinea, kaminda el a bai traha pa Rong (Radio Omroep Nieuw Guinea). Einan el a traha diferente programa na maleis. Ki tempu eksaktamente Hans Oosterhof a bai bèk Ulanda mi no sa. Mester ta den aña 1961, paso den gran parti di 60 el a traha na Rong na New Guinea. El a bai biba serka su mayornan na OranjePark 39 na Dordrecht, kaminda manera un bon fanátiko di radio e mes a traha su studio di radio den su kamber.El a bai traha entre otro pa WereldOmproep, kaminda e ta kuadrá den e konstelashon ei, ku su bos uniko pa radio i su manera úniko i korekto di pronunsiashon di ulandes. Poko, poko, paso Hans Oosterhof nunka ta tin purá, ni ora e mester a lesa un teksto pa radio. Na 1962 el a bai traha pa radio Veronica, kaminda el a kosechá hopi fama ku su programa kaminda e ta toka músika di Indonesia i un programa pa mucha, kaminda el a krea e figura, Pietje Vitamine, ku el a introdusí, ku su propio bos, pero ku e ta toka na spit dòbel. Tur e programanan aki e ta traha na su kas na Dordrecht, den su propio studio.Bon mira, Suhandi, mener Hans, no tabata pas serka e radio pirata Veronica, pero nan ta apresiá su personalidat i su konosementu. E mester a sinti’é na kas ei nan, e sentido di pionero den radio difushon, ku masha tiki rekurso i ku hopi kreatividat, hasi radio posibel.

Ta den e tempu ei el a siña konosé Stella Priest ku ken el a kasa i bai biba na Kòrsou.

Ei mi a bishitá nan i mi ta kòrda nos anochinan trópiko ei sinta den su pòrch i tambe nos senanan na Zuikertuintje.

Durante un di mi bishitanan serka nan, e brùg nobo a kai aden i mi a bai mira e desater ei.

Hans Oosterhof tabata traha pa Radio Hoyer i tabata un tempu direktor di Sentro Pro Arte, pero su propio radio a keda su soño. Pero lo a dura un ratu, promé ku el a logra esei.

Drumi Dushi Amigu.