ORANJESTAD, Aruba – 18 di april 2016: Emoji, e imagennan chikito y lief di cara, animal y fruta cu ta integra den e teclado digital di smartphonenan, tabata pa hopi tempo parti di e cultura di mensahenan di texto y online. Awo tambe, e fenomeno di cultura mundial cu a cambia e forma cu personanan ta comunica y expresa emocionnan, ta disponibel den restaurantnan di McDonald’s a traves di nan programa Happy Meal.

Desde dia 12 di April, mucha y adulto por colecta e iconico y dibertido peluche Emoji. E coleccion di Happy Meal ta consisti di 16 diferente version di e Emoji, cu tin un expresion di cara unico cu ta relaciona na diferente emocionnan reconocibel manera “cool”, “whatever” y “LOL”. Cada “Smiley Face” di Emoji, ta bin cu un clip un carchi di mensahe cu ta mustra nan expresion. Por cambia e Emojinan of comparti cu un amigo.

“Nos ta hopi contento pa ofrece e peluchenan Emoji na nos clientenan. E Emojinan a bira hopi popular mundialmente y e coleccion di Happy Meal ta un oportunidad unico pa un experiencia impresionante a traves di un plataforma”, asina Sulina Vrolijk, encarga cu operacionnan di McDonald’s na Aruba a bisa.

E travesuranan di Emoji ta continua den McPlay, e “mobile app” di McDonald’s, specialmente diseña pa muchanan pa nan pasa pret y siña di dje. Tur peluche den e coleccion di Happy Meal por wordo gescan pa habri varios wega, ampliando e experiencia di entretenimento di e restaurantnan.

Arcos Dorados ta e doño di frankisia mas grandi di McDonald’s mundialmente, den termino di benta y cantidad di restaurant. E compania ta opera e cadena mas grandi di restaurantnan di servicio rapido (Quick Service Restaurant/QSR) di Latino America y Caribe. Nan tin e derecho exclusivo pa ta doño di, pa opera y concede frankisianan di restaurantnan McDonald’s na 20 pais y teritorio Latino Americano y Caribense, incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela.

E compania ta opera of tin como frankisia 1,880 restaurant McDonald’s cu mas di 90 mil empleado sirbiendo aproximadamente 4,3 miyon di cliente pa dia. Arcos Dorados, cu ta negocia riba New York Stock Exchange (NYSE: ARCO), ta reconoci como un di e miho companianan pa traha p’e den Latino America. Pa mas informacion tocante di e compania, bishita e seccion di inversionista di e website: www.arcosdorados.com/ir.