Richard a kuminsa traha na mart 1968 komo Store room helper. Richard a jega na Hilton despues ku ela kaba skol un amigo di dje ku ya tabata traha na Hilton a bisa su mama pa e bai traha einan i asina ela kuminsa te ku awe 45 aña despues. Den su 45 aña di empleo Richard a pasa diferente departamentu entre nan Store room kaminda ela kuminsa. Cost control i Accounting i aktualmete na Purchasing. E funshonnan ku Sr. Martina a traha tabata Store room helper, Store room assistant, Store keeper, Cost control i Receiving clerk kual ta loke Sr. Martina ta ehersiendo aktualmente. Segun Sr. Martina e ambiente di  dia ela kuminsa tabata tin hopi kooperashon, e trabounan no tabata pega tur kos tabata kana i no tabata tin kompiuter i e trabou di Store room keeper i e libertat ku nos tin aworaki  no ta tur kompania tiné paso e hende nan ta traha henter dia riba pia te ora ku nan bai kas i aki nan no tin e kos ei, tambe e ta haña ku antes ku no tabatin email e komunikashon tabata hopi mas tantu i mihó ku awendia. Hilton Curaçao ta super orguyoso di por tin un empleado ehemplar asina manera Sr. Richard Martina ku durante 45 aña konsekutivo a traha na e mesun hotel. Sr. Martina nunka a pensa pa kambia tampoko den e transkurso di añanan i esei ta nifika ku Hilton Curaçao su empleadonan ta super satisfecho ku e trato risibí.