Partnernan:
- Cpost International,
- Korpodeko
- CITI
- Ministerio di Desaroyo Ekonómiko
General
Den porta di aña 2015, den pleno siglo 21 ta práktikamente imposibel imaginá nos mundo sin teknologia i e hopi desaroyonan ku esaki a trese ekonómikamente, sientífikamente i riba varios otro tereno mas. Komo empresario bo mester di teknologia tur dia pa maneha bo empresa, sea si ta pa komuniká ku bo kliente of proveedornan of pa hasi bo administrashon, pagonan, koordina transporte. Tur aspekto di bo negoshi ta eksihi aplikashon di teknologia for di un nivel básiko te avansá. Keda sin inverti den teknologia kiermen keda para ketu i keda atrás den desaroyonan krusial pa bo negoshi por krese i florese. Den e kuadro ei e partnernan: Cpost International, Korpodeko, CITI i Ministerio di Desaroyo Ekonómiko a disidí di uni forsa i rekursonan pa konhuntamente ofresé empresarionan na Kòrsou solushonnan konkreto pa hasi e-commerce posibel i aksesibel.
Right to the Door
Right to the Door ta e plataforma di e-commerce di CPost International kaminda empresarionan por ofrese nan produktonan online. E kliente por skohe kua produkto e ke kumpra i CPost Right to the Door ta sòru pa e produkto wòrdu entrega te den su porta di kas of negoshi, aki na Kòrsou i rònt mundo.
E ophetivonan prinsipal di e plataforma aki ta:
- Amplia e merkado di e empresario lokal- i internashonalmente, espesialmente e merkadonan den serkañia, Caribe i Latino Amerika.
- Ofrese e empresario lokal i su klientenan e opshon di un solushon di pago online
- Ofrese e empresario lokal un manera pa innova i krese su negoshi
- Insentiva i promove eksportashon
- Yuda drecha e Balansa di Pago di Kòrsou
CPost Right to the Door ta konsiente ku pa algún empresario esaki lo eksigi un invershon den nan IT, inventario di merkansia etc. Algun empresario kisas lo rekeri tambe un guía pa hiba nan negoshi na e nivel ku nan por akapará un merkado mundial pa nan produktonan. Pa e motibu ei a forma un tim ku e partnernan Korpodeko i CITI- Business Boost i Ministerio di Desaroyo Ekonómiko i asina krea alternativan pa fasilitá e uso di teknologia pa amplia e merkado di nos empresarionan lokal. Manera e tema di awe ta bisa: Huntu nos lo amplia bo Horizonte.
Korpodeko Incentive Program – Right to the Door
Programa di Insentivo di Korpodeko: Right To The Door. E programa aki ta ofrese finansiamentu na e empresario ku ke hasi uso di Right to the Door pero kisas falta e rekursonan finansiero nesesario. Korpodeko ta finansiá: E set up fee ku CPost ta kobra pa pone e produktonan riba e wèpsait Kaminda ta aplikabel, algún gastu adishonal pa sigurá e funshonamentu optimal di e plataforma di CPost ku e sistema di maneho di inventario di e empresario. Tambe Korpodeko ta ofrese finansiamentu di tres diferente pakete pa e empresario ku ta deseá di tin su propio wepsait: ANG 3.000, ANG 5.000 of ANG 7.000. E montante máksimo ku Korpodeko ta finansiá ta ANG 10.000 inkluyendo e pakete di wepsait i e feenan di CPost pa hasi uso di e plataforma di Right to the Door. E finansiamentu lo wòrdu hasi pa 12 te máksimo 36 luna ku un interés di 8% pa aña. Empresarionan interesá mester kumpli ku kondishonnan standart pa bini na remarke pa un krédito na Korpodeko.
MEO- CITI: Business Boost
Business Boost ta un programa ehekutá dor di CITI bou di instrukshon di Ministerio di Desaroyo Ekonómiko ku ta ofrese un programa di Business Coaching di 24 siman di guía konkreto na e empresario ku kier hiba su negoshi na e siguiente nivel. E negoshi mester tin menos ku 10 empleado i tin un sifra di benta di menos ku ANG 500.000 pa aña. Komo parti di e programa di Coaching aki CITI ta duna un supsidio di te máksimo ANG 7.500 ku por wòrdu usá pa kubri gastunan di invershonnan den IT di e empresario. E empresario tin ku kontribuí ku 30% di e gastunan i CITI lo kontribuí ku 70% te na un máksimo di ANG 7.500. Pa e aña aki e programa tin 15 lugá habrí ainda pa empresarionan interesá.
Mas informashon:
Si ta deseá mas informashon riba e produkto Right to the Door por tuma kontakto ku:
CPost International – Right to the Door
Free Zone
Koningsplein Unit B.II.12.B
T: + 599 9 738 4869
Korpodeko
Schottegatweg Oost 36
T: 738 1799
E: Klantenservice@korpodeko.cw
CITI-Business Boost
Baroud Center
Schottegatweg Oost 82- 84
T:+ 599 9 738 6299
E: info@citi.cw
W: www.citi.cw