Di e manera aki, Iglesia Lluvias de Bendición Curaҫao, ke invitá pueblo di Kòrsou pa asistí na e di sinku marcha ku ta selebrá e Fiesta di Tabernakel.  Fiesta di Tabernakel ta parti di e shete fiestanan hudiu ku Dios a ordená su fielnan di selebrá na su honor den tèstamènt bieu. Komo un iglesia ku ta funda riba e prinsipionan apostóliko profétiko i ta alinia su mes na e prinsipionan Davideño, e énfasis ta riba e sinku ministerionan bíbliko, kual ta e apòstel, e profeta, e evangelista, e siñado, i e pastor. E fiestanan aki ta hunga un ròl di sumo importansia den desaroyo di tur kristian, ya ku ta Dios mes a ordená su pueblo pa selebrá nan. (Levitiko 23 i Numbernan 28:16 -25). Despues di a selebrá Yòm Kipur dia 13-14 di Sèptèmber último, awó nos ta drentando e siman di Tabernakel, kual ta e fiesta di bendishon i kosecha i ta kulminá den e marcha ‘Succot 2013’. E marcha ta tuma lugá djasabra awó, 21 di Sèptèmber, 2013, 7’or di anochi i ta sali fo’i Because Entertainment Center. E ruta di e marcha ta: –Gosieweg, Andres Belloweg, Vondelstraat, Kaminda Brievengat, i ta terminá den kura di skol Emmanuel na Brievengat. Nos ta súplika tur partisipante pa bisti na blanku i bini ku rama di palma i bandera kolorido pa gradisí Dios pa tur su bendishon. Abo i bo famia ta bon bini pa asistí e sirbishinan di Fiesta di Tabernakel na Iglesia Lluvia de Bendición Curaçao, van Kingsbergelaan z/n, patras di  Mangusá Rio. E dianan ta:

–          Djabièrnè 20 di Sèptèmber –  7’or di anochi

–          Djasabra 21 di Sèptèmber – Marcha

–           Djadumingu 23 di Sèptèmber – 10 di mainta

–          Djaluna 24 di Sèptèmber – 7’or di anochi

Pa mas informashon yama 5222-696 òf 567-0101