Ministerio di Desaroyo Ekonómiko ta anunsiá ku entrante 20 di mart 2017 interesado nan por hasi entrega di petishon pa risibí pèrmit pa pèrmit di ‘vent i standplaats’ esaki ta enserá benta di produkto ambulante o pa medio di un lugá fiho en konekshon ku marchanan di Seú i dia di rei 2017
Petishon pa ambos evento mester wòrdu entrega na Lokèt di Pèrmit situá na Salina 127 den e edifisio di Eurobuilding pega ku Subway, huntu ku e siguiente rekisitonan.
Petishon pa Pèrmit pa dia di rei mester keda entregá serka e organisadó konserní, esaki na su lugá lo entrega e petishon ofisialmente na Lokèt di Pèrmit. E organisadó ta enkargá pa tuma i repartí e pèrmitnan.
Aki informashon di e diferente organisadó nan:
 Evento Curaçao- distrito Pietermaai +5999 6729392 +5999 7881358
 Dutch Dream- distrito Punda +5999 4619393
 S.K.O distrito Otrabanda +5999 4623591
Petishon pa pèrmit en konekshon ku marchanan di Seú mester wòrdu hasi personalmente na Lokèt di Pèrmit .
Djabièrnè 7 di aprel ta último dia ku por hasi entrega di petishon pa bin na remarke pa e pèrmit di ‘vent’ i ‘standplaats’ pa ámbos evento.
Djaweps 20 di aprel 2017 Ministerio di Desaroyo Ekonómiko ta organisá un seshon di informashon obligatorio pa tur persona ku ta bai bende kos durante marchanan di Seú riba e dia aki lo hasi repartishon di tur pèrmit en konekshon ku e marchanan di Seú 2017.
Pa por bin na remarke pa pèrmit, mester kumpli ku tur e rekisitonan ariba menshoná. Klientenan por akudí na Lokèt di Pèrmit entre djaluna pa djaweps di 8’or pa 3’or di atardi. Riba djabièrnè Lokèt di Pèrmit ta habrí di 8’or pa 12’or. Pa mas informashon por yama Lokèt di Pèrmit, na 0800-1515 òf 433-3123.
Suparmy Goeloe
INFORMASHON VENT EN STANDPLAATS VERGUNNING EN KONEKSHON KU SEU I DIA DI REI 2017