Buelo di/pa St. Maarten i Santo Domingo
E buelo di Kòrsou – St. Maarten/ St. Maarten- Santo Domingo i vice versa lo wordu realisa dor di tormenta na e proximo manera: Kòrsou – St.Maarten/St. Maarten- Santo Domingo/Santo Domingo – Kòrsou. Esaki nifika ku e buelo di Santo Domingo pa St. Maarten i St. Maarten pa Kòrsou lo kanselá. E motibu ta ku e buelo di salida por sali prome ku e tormenta, pero e buelo di regreso no ta posibel mas.

Buelo di/pa Boneiru
InselAir ta spera cu awe despues di 19:30, no tin buelo di/pa Boneiru. E buelonan lo wordu reanunda despues di tormenta.

Aeropuerto designa den kaso di emergensha
Mirando e transishon di e tormenta Matthew, InselAir ta antisipa ku no por referi automatikamente mas riba e aeropuerto designa den kaso di emergensha ku ta Aruba i Boneiru. Esaki ta nifika ku si den kasu di urgensha mester desvia un buelo, mester wak otro alternativa di aeropuerto designa den kaso di emergensha na Venezuela, Caracas i Valencia. Den e kaso aki InselAir ta perkura pa transportashon, akomodashon, kuminda i bebida pa nan pasaheronan.

Kambio di orario di buelo
Durante dia, InselAir lo hasi kambio di orario di buelo unda ta nesesario a base di kambio i desaroyo di tormenta Matthew. Pasaheronan lo wordu notifika via telefon, email, sms i personalmente na aeropuerto enkuantu nan estado di buelo(nan). Banda di esaki, tin informashon aktual enkuantu e status di tur buelo riba wepsait di InselAir.

Seguridad di pasahero
Depende di e kambio di desaroyo di Matthew, InselAir ta tene kuenta ku ful e operashon ta wordu para te un proximo aviso pa seguridad di tur pashero, personal y avionnan. No obstante e hecho ku esaki, den terminologia di aviashon, ta un ‘Act of God’. InselAir lo perkura pa reanunda tur buelo mas pronto ku ta posibel pa nan destinashon. Seguridad semper, ta na prome lugá, sigur den e situashon aki.

Kambio di buelonan di dia 30 di september
InselAir ta informa tur pasahero ku tur buelo ta kansela djiabierné 30 di september. InselAir ta reanunda nan operashon, dijasabra mainta 1 di oktober of mas pronto posibel. Ta avisa pasaheronan pa tuma kontaktu ku Call Center di InselAir na number di telefon: +5999 7370444 of email na schedulechange@fly-inselair.com of customerrealtions@fly-inselair.com.