WILLEMSTAD – E siman aki e kompania di aviashon InselAir a yega na un akuerdo pa habri un ofisina nobo di pasashi den e sentro di kompra Sambil na Veeris. Ku e konvenio aki na man awor InselAir ta bai hasi e trámitenan pa habri e ofisina nobo den di dos mitar di ougùstùs pa aya por duna e klientenan e pakete kompleto di servisio. Komo bentaha grandi nan ta mira ku InselAir ta bira alkansabel hopi mas fásil pa un parti grandi di poblashon di Kòrsou, miéntras aya ku tin sufisiente espasio pa stashoná outo (grátis).

E damanan di departamentu di benta di Sambil Curaçao Archangela Garcia i Claudia Nobrega a usa e momento di logro di e konvenio aki pa bisti e miembronan di gerensia di InselAir Edward Heerenveen i Charley de Meza un pèchi kolorido di Sambil.