Un orario di buelo kumbiniente i mas kapasidat for di Kòrsou pa Barranquilla, Santa Marta i Cartagena

WILLEMSTAD – For di promé di yüli 2016, InselAir lo bai pone otro tipo di avion (djèt) den operashon riba e ruta pa Barranquilla, loke lo tin komo resultado ku pasaheronan lo disfrutá di un buelo direkto mas kòrtiku di solamente 80 minüt. For di Barranquilla pasaheronan por fásilmente kontinua nan biahe pa otro siudatnan popular manera Cartagena i Santa Marta. For di promé di yüli 2016 e buelonan lo no wòrdu operá mas riba djamars i djabièrnè, pero riba djaluna i djaweps.

Barranquilla, Santa Marta i Cartagena.
“For di Kòrsou InselAir lo ofresé un buelo konfortabel i mas kòrtiku pa e siudat metropolitano di Barranquilla, kapital di e Departamento Atlántiko, den nort di Colombia i situá serka di e laman karibense. Barranquilla, e di kuater siudat mas grandi di Colombia, tin hopi di ofresé, e ta konosí komo e sentro industrial i kultural di e region aki”, segun Jurgen Lippinkhof, Gerente Ofisial Komersial di InselAir. Na Barranquilla pasaheronan por regla fásilmente traslado pa e bunita siudatnan serkano di Cartagena i Santa Marta. Tur dos siudat tin hopi di ofresé; Cartagena ta un siudat portuario moderno na e kosta karibense di Colombia. Su nukleo ta e siudat bieu rondoná pa muraya, ku plasanan di siglo diesseis, kayanan di klenku i edifisionan kolonial kolorido. Santa Marta ta e porta pa e Parke Natural Nashonal Tayrona i biaheronan por regla trepnan bou guia di mas dia pa e Siudat Pèrdí (Teyuna).

Orario di buelo Kòrsou – Barranquilla (tur orarionan ta ora lokal)
Dianan: djaluna i djaweps
Salida: 20:30
Yegada: 20.50

Orario di buelo Barranquilla – Kòrsou (tur orarionan ta ora lokal)
Dianan: djamars i djabièrnè
Salida: 06:10
Yegada: 08:30