Willemstad- Inskripshon a habri  pa partisipá na nos Plan Vakashonal 2014. Manera aña pasá nos ta bai bolbe organisá nos di 8  plan vakashonal ku tur aña ta un éksito rotundo ku mas ku 100 mucha . E aña  aki e tema ta : “Fakansi 2014 den Flora i Founa” For di 7 yüli 2014 te 19 yüli 2014 e mucha lo siña eksplorá i asina ta mas motivá pa sa  mas di su paisahe , den un ambiente di naturalesa, airu fresku. Ta pa e motibu aki nos di direktiva di Sentro di Bario Montaña ta organisá nos di 8 plan Vakashonal pa Montaña i bisindario. E mucha lo pasa dianan  hopi interesante i tambe e ta traha obra di man, dia di deporte. Lo tin charlanan hopi interesante i e lo konosé i diskubrí diferente parti di Kòrsou su flora i founa. Asina e mucha lo balorá i respetá loke nos isla ta ofresé; lo tin tambe  un dia di siña kushiná, traha pasaboka i hopi mas.

Kon pa partisipá

Si bo tin edat di 5 pa 15 aña bo por partisipá. Djis pasa yena e formulario ku firma di e mayor responsabel pa e mucha. Último di pa entregá formulario yená korekto ta 10 yüni 2014 despues di e dia ei nos no ta tuma mas mucha. Kòrda nos kantidat ta te 100 mucha, i tur aña tin mucha ta keda afó. Tambe bo por haña e formulario na Sentro mes. Kada kontribushon mester ta paga promé ku 3 yüli 2014  na Sentro di Bario Montaña Kada mucha mester bisti un T-shirt, un djins i kèts na pia. Koló di T- shirt    hel pa mucha muhé i bèrdè  pa mucha hòmber Ki dia e plan di vakashon ta kuminsá ? E plan di vakashon ta dura 2 siman di djaluna pa djabièrnè. E ta kuminsá dia 7 yüli i ta terminá dia 19 yüli 2014. Ora      : 7.00 di mainta pa 1 or mèrdia. Lugá    : Sentro di Bario Montaña(Stakamachiweg z/n dilanti santana di Montaña) Kontribushon   : Fl. 85.00 pa mucha pa 2 siman. Djadumingu  29 yüni 2014 entre 10 ‘or mainta pa 12 ‘or mèrdia lo duna informashon;  e ta obligatorio pa tur mayor. Pa mas informashon, pregunta o sugerensia por tuma kontakto ku Sentro di Bario Montaña entre 8 ‘or mainta 12 ‘or mèrdia entre 2 ‘or pa  5 ‘or atardi .Na telefon; 767-1600 / 687-4209. Kòrda aña pasa hopi mucha a keda afó, nos no por a tuma mas ku 100  mucha  i lugá ta limitá.