WILLEMSTAD- E aña aki atrobe miembronan di tim di volibòl di Maduro & Curiel’s Bank a uni forsa i a organisá un turneo di vòlibol entre kompanianan lokal “INTER-COMPANY VOLLEY TOURNAMENT”. E meta prinsipal di e turneo aki ta pa konsientisá empleadonan di kompanianan lokal pa nan move i hasi deporte. Aparte di esaki, turneonan komersial semper ta yuda krea lasonan di amistat. “INTER-COMPANY VOLLEY TOURNAMENT” ta kuminsá djasabra awor 26 di sèptèmber di 11or di mainta te 7or di anochi i ta terminá djadumingu 27 di sèptèmber di 10or di mainta pa 6or di atardi. Weganan semifinal i final lo tuma lugá djadumingu 27 di sèptèmber kuminsando pa mitar di 1 di mèrdia. Tur wega lo tuma lugá na Stadion Odulio Willems. Un total di 8 kompania lo kompetí kontra otro den “INTER-COMPANY VOLLEY TOURNAMENT”:
- FDDK
- MCB
- KTK/CPA
- ISLA
- ADC
- Curaçaose Dok Maatschappij
- Aqualectra
- Onderwijs
Entrada ta grátis i tur fanátiko di e kompanianan partisipante òf no partsipante ta bon biní na Stadion Odulio Willems riba e fechanan ariba menshoná, pa disfrutá di bon ambiente i bon wega di vòlibol.