Sinku diferente manera pa rekargá, Sinku diferente manera pa gana!

WILLEMSTAD: Digicel i MCB a djòin den e kampaña “Top Up Via MCB And Win” ku ta brinda klientenan oportunidat di gana premionan semanal. Awó, kada bes ku e kliente rekargá via di un di e sistemanan ku MCB ta proveé e tin chèns di gana tremendo premio. E usuario di Digicel tin chèns di gana un Smartphone semanalmente ora ku e rekargá via di e sistema Pagomátiko, SMS 1111, online banking, Mobile App òf na kualke Bankomátiko. “Nos ta masha kontentu di por hasi e kampaña aki huntu ku MCB, na mes momentu ta yuda konsientisá e usuario riba e diferente otro maneranan ku tin pa rekargá nan telefon selular. Ámbos empresa ta kere firme den un medioambiente mas sano pa nos pais- ménos uso di papel, mas mihó; e opshonnan pa rekargá riba e plataforma ku MCB ta ofresé sigur ta duna un aporte enorme.”, esaki di akuerdo ku Shayenne Rock mèneger di e departamentu di merkadeo pa Digicel Kòrsou.

E kampaña ta vigente te ku dia 11 di òktober. Ganadornan lo wòrdu yamá pa risibí nan premio na establesimentu di Digicel na Biesheuvel. Tin kondishonnan aplikabel. Riba foto athuntu momentu ku Iris Hooi a risibí su premio for di representantenan di Digicel i MCB.