Willemstad – Den kuadro di e promesa di RBC Royal Bank ‘It’s All About YOU’, kaminda ta fiha atenshon riba e kliente, e banko regularmente ta organisá evenementonan pa honra su kliente i partnernan. Asina RBC resientemente a organisá un evenemento kaminda ta mustra apresio na agensianan di outo, makelar i notario na Kòrsou.

E evenemento a brinda e oportunidat úniko pa honra e partnernan di RBC. Poppie Cratz di Autocity B.V. tabata e bendedó ku a referí mas kliente na RBC den 2015. Pa esaki e la keda honrá ku e award pa ‘Best Sales Referral 2015’. E tim bendedó di Universal/Global Motors a keda honrá pa e kantidat mas grandi di referensiananan total na 2015. RBC ta felisitá tantu Autocity B.V. komo Universal/Global Motors ku e prestashon aki i ta gradisí tur partner pa e posibilidat pa hasi negoshi.

Durante e evenemento tur agensia di outo, makelar i notario ku ta hasi negoshi na Kòrsou tabata presente. Esaki a brinda e oportunidat perfekto pa e personal di RBC Personal Banking i tambe e tim di Business Banking, e Merchant Sales Officers i e konseheronan di invershon pa – den un ambiente informal – fortifiká relashonan eksistente i alabes edifiká relashonnan nobo. “Nos ta sumamente gradisido pa e relashonnan eksistente ku diferente miembro prominente di e komunidat di negosiante lokal. Nos ke hasi uso di e oportunidat aki pa gradisí’bo pa hasi negoshi ku RBC i nos ta ansioso pa fortifiká nos partnerships eksistente i traha lasonan nobo den 2016”, asina Pierrot Hurtado, e Country Manager di RBC na Kòrsou i Boneiru, a duna di konosé.

Esnan presente a bisa ku nan a disfrutá di e evenemento. Dor di e kolaborashon estrecho ku partnernan di RBC, e banko por kumpli ku su promesa pa: “help clients thrive and communities propser.’ Regularmente RBC ta organisá evenementonan kaminda e banko ta mustra su apresio na klientenan i ya kaba RBC ta ansioso pa e proksimo oportunidat pa organisá un otro evenemento.