Djasabra awó dia 2 di mei

Willemstad – JCI IOBA Curaçao i Banco di Caribe ta buskando e empresario hóben di mas kreativo na Kòrsou. Esaki ta di shete biaha ku JCI IOBA Curaçao i Banco di Caribe ta organisá e proyekto eksitoso “The Creative Young Entrepreneur Award” ku tin komo meta stimulá hóbennan pa bira empresario. Na final e hóben lo keda rekonosé ku un Award i un promé premio di NAf. 10,000 ku Banco di Caribe komo patrosinador prinsipal ta pone disponibel pa e ganadó di e kompetensia di CYEA. E hóben empresario por usa e premio aki pa invershon den su empresa. Djasabra awó dia 2 di Mei lo tene un ‘Training Day’ pa tur hóben ku aspirashon pa bira empresario. Si bo ta yòn i kreativo ku aspirashon pa kuminsá un negoshi esaki ta un dia ideal p’abo. E dia aki ta spesial pa tur persona ku tin un vishon di un produkto of servisio nobo ku nan ker trese riba merkado. E tema di CYEA e aña aki ta ‘’Crafting your Business’’. E programa lo yuda hóbennan ku ta aspirá pa bira empresario identifiká i uza elementonan esensial pa nan tin un negoshi di ekselensia duradero, ku bista riba merkado internashonal. E ‘trainernan’ ta inkluí Nevita Mezas di The Business Connection, Daniel Corsen di D&I Business Support Services, Mariela Burk di Severus, Maya Mathias di Smart Works i Tracy Winter (UOC). E meta prinsipal ta pa ofresé e instrumentonan nesesario pa por krea nan propio empresa. JCI IOBA Curaçao i Banco di Caribe ta invitábo pa registrá na www.iobacyea.com pa e ‘Training Day’ ku lo tuma lugá djasabra awó dia 2 di Mei na Lanthùis Zeelandia for di 9:30AM te ku 5:00PM. Partisipashon ta grátis! Haña sá tur e práktikanan básiko, ya asina bo tambe ta bon prepará.