Willemstad- Djasabra dia 3 di mei JCI IOBA Curaçao a organisá e lansamentu ofisial di 2 proyekto: “Home Farming Tera Krioyo” i Festival di Awa. Den presensia di Minister di Salubridat Públiko, Medio Ambiente i Naturalesa sr. Ben Whiteman, representante di sponsernan Extra i Maduro & Curiel’s Bank N.V. JCI IOBA Curaçao ta un organisashon boluntario ku ta traha pa trese kambio positivo den komunidat dor di ofresé personanan entre 18 pa 40 aña oportunidat di desaroyo. Pa logra e mishon aki e organisashon mester di partisipashon di henter komunidat. Pa haña partisipashon di komunidat, e aña aki JCI IOBA Curaçao a introdusí dos proyekto pa logra e meta aki; “Home Farming Tera Krioyo” i Festival di Awa. Ku e dos proyektonan aki JCI IOBA Curaçao lo ta kontribuyendo na e meta number 1 di e “United Millennium Development Goals” (UNMDG) definí pa Nashonnan Uní, kual ta kombatí pobresa i hamber rònt mundu i number 7 kual ta trese kambio duradero na nos medio ambiente. E promé proyekto ta “Home Farming Tera Krioyo”. “Tera Krioyo” ta un proyekto di JCI IOBA Curaçao aña pasá i tabata hopi eksitoso. E aña aki nan lo kontinuá kun’é. Meta di “Tera Krioyo” ta pa konsientisá komunidat tokante e importansia i benefisionan di planta bo propio fruta i berdura. Maduro & Curiel’s Bank e aña aki atrobe ta patrosinadó prinsipal di Tera Krioyo. Patrosinando e bunita proyekto aki MCB ta koperá pa konsientisá komunidat tokante e importansia i benefisionan di planta na kas. “Tera Krioyo” ta konsistí di dos parti e aña aki. E promé parti lo ofresé un tayer básiko i un tayer avansá pa siña e partisipantenan planta nan propio fruta i berdura. E di dos parti di “Tera Krioyo” ta konsistí di un marshe kaminda tur persona ku a siña planta lo haña chèns pa ekshibí nan propio kosecha na komunidat di Kòrsou durante e feria agrario di ABVO. Asinaki nos ke krea oportunidatnan pa stimulá desaroyo empresarial den e sektor agrario na Kòrsou.”Best local community empowerment program” E di dos proyekto “Festival di Awa”, ku resientemente a keda nominá den e tòp 4 di e mihó programanan ku ta enpoderá komunidat lokal na konferensia di area di JCI na Medellin”Best local community empowerment program””Best local community empowerment program””Best local community empowerment program”; JCI IOBA Curaçao ta bai sigui ku e proyekto aki pa di 5 aña konsekutivo. Ku e lema di 2014 “É Gota Konsiente!” Festival di Awa ta bai sigui konsientisá nos komunidat di e nesesidat pa hasi mas mihó uso di awa. No solamente awa ku ta sali for di kranchi, sino tambe awa di yobe, awa di pos i awa den nos bénewaternan (binnenwater). E proyekto “Festival di Awa” ta bai enfoká riba hóbennan, pasó ta nan ta nos lidernan di mañan. Lo bai tin un dia di aktividat pa mucha, un simposio i tambe Festival di Awa lo bishitá diferente skol básiko i sekundario pa duna informashon tokante Awa. Un danki tambe na patrosinio di korant Extra ku a kontibui grandemente ku e projekto aki. Pa mas informashon por tuma kontakto ku e komishonnan enkargá. Pa “Tera Krioyo” tuma kontakto via ioba.terakrioyo@gmail.com of 670 5027 i pa “Festival di Awa” via ioba.fda@gmail.com of 520 5400.