Willemstad – JCI United Citizens of Curaçao ta DUNA BÈK na komunidat di Kòrsou. En konekshon ku 100 Aña di Selebrashon di e Movemento di Junior Chamber International, JCI UC ta konmemorá e okashon speshal aki den forma di un proyekto komunitario. Den kolaborashon ku CrossFit Willemstad nos a delinia un programa saludabel pa tur esnan ku ta desea na kuminsa ku un bida salú. Tur partisipante ta risibí un desayuno balansá, un tayer serka un nutrishonsita, i un seshon di ehersisio rekomendabel pa tur edat i peso. Tur esaki solamente pa 15.00 florin riba djasabra proksimo – 6 di yüni 2015. Karchi ta optenibel serka tur miembro di JCI UC. Ta bon pa tene na kuenta ku karchi ta limita pues buska bo karchi mas lihe ku ta posibel pa bo tambe por forma parti di e dia aki. E lokalidat pa ku e evento aki ta na e kompleho nobo di e famia di CrossFit Willemstad situá na Seru Loraweg Hal #3A. Pa mas informashon bishitá nos Facebook pagina of yama na +59996635523.