Pueblo di Kòrsou ya a kustumbrá pa 31 aña kaba kon JCI Willemstad ta duna atenshon na e promé beibi di aña. Den kuadro di selebrashon di 55 aña di JCI Willemstad i den su afán pa duna bèk na komunidat a pensa pa duna atenshon tambe na e último beibi di e aña aki. P’esei nos ke presentá na komunidat di Kòrsou e último beibi di aña 2016, Ian jr. Jeremiah Jayden Soriano ku a nase 19:16 PM na St. Elisabeth Hospital dia 31 di desèmber 2016. Ian jr. ta pisa 3380 gram i ta midi 50 cm. Su orguyoso mayornan ta Charlotte Girigori i Ian Luyando.

E aña aki St. Elisabeth Hospital tambe ta yama bon biní na e promé yu di aña 2017 ku yama Mell Mahia. Ela a nase 3:52 AM i ta pisa 3150 gram i ta midí 49 cm. Su orguyoso mayornan ta mama Ocando Loaiza Dayana i tata Arnold Peralta. Un legria inmenso a reina, na momentu ku partera Dr. Jansen asisti pa zusternan Sambo i Angelista yuda trese e beibi na mundu.

Bishita

Miembronan di direktiva di JCI Willemstad, kompaña pa algún patrosinador a bishitá e mayornan di ambos beibi pa felisitá i sorpresá nan ku algún regalo i opsekio. Presidente di JCI Willemstad, Jeanine  Mattheeuw, a ekspresá su legria ku yegada di e beibinan i tambe a duna felisitashon na nan mayornan. Un danki speshal ta bai na tur spònsernan ku ta karga ku e proyekto tur aña di nobo. Un bes mas JCI Willemstad a konta ku aporte di Curaçao Food Trade ku a regala ambos beibi un pakete di pampers i wipes. E promé beibi di aña ta risibí pampers pa hinter aña 2017. Ennia a opsekia un babybox i Banco di Caribe un multicard na balor di $100. Manrique Capriles a hasi un donashon di produktonan Johnson&Johnson, Say Cheez Photography un giftcard pa saka potrèt, Highlight a opsekia produktonan di Zwitsal i un giftcard i Freeport Jewelers e regala Mell Mahia un bunita armband di oro.

JCI Willemstad

JCI Willemstad ku su 55 aña di eksistensia no ta un organisashon deskonosí na Kòrsou. E ta un organisashon “non-profit” ku ta enfoká riba liderasgo i formashon di hóbennan entre 18 i 40 aña. E mishon di JCI ta pa kontribuí na desaroyo global di nos komunidat dunando hóbennan e oportunidat pa desaroyá nan abilidat di liderasgo i responsabilidat sosial nesesario pa asina krea kambionan positivo den nos komunidat.

JCI Willemstad te deseá pueblo di Korsou un aña 2017 yená ku prosperidat i tur klase di éksito