Despues di un reunion fructifero cu KPA, SMAC kier informa lo siguiente: 30 di Januari, Jouvert Morning ta programa pa start 4’or di madruga for di Joe Laveist Sport Park. E aña aki lo celebra Jouvert Morning cu 11 banda musical y un DJ. SMAC y KPA ta pidi cooperacion di tur bandanan pa cuminsa stel op for di 3’or di madruga. Bandanan tin te cu 4’or pa yega. Lo no permiti bandanan cu yega lat pa drenta Jouvert Morning esaki cu excepcion di Mike’s Disco cu ta drenta despues di salida di e parada. Ta pidi tur banda pa stel op na banda di caminda direccion Playa pues na banda di ELMAR y YMCA. SMAC tambe kier informa cu a keda acorda conhuntamente cu KPA y tur otro instancia involvi cu e aña aki Jouvert Morning a yega su capacidad maximo. KPA ta traha cu un maneho estricto unda seguridad ta na promer lugar y a traha nan draaiboek basa ariba e 11 Bandanan y DJ. Pa es motibo no lo tin lugar pa mas banda. SMAC kier gradici tur bandanan pa nan interes, apoyo y participacion, di manera aki engrandeciendo nos Jouvert Morning y Carnival 62 mahestuosamente. SMAC ta cla pa Jouvert Morning 2016, y ta invita tur hende pa asisti y participa den e parada pa pueblo. E line-up di e bandanan pa Jouvert Morning ta lo siguiente:
1. 4 Real
2. Dushi Band
3. Youth Xtreme
4. D’-Licious
5. Flashback Band
6. Mike’s Disco
7. N’Fuzion
8. Oreo
9. NBO
10. The Failures
11. B.M.W.
12. Tsunami
SMAC ta gradici e patrocinadornan oficial di Carnaval 62 Aruba Tourism Authority, Aruba Airport Auhtority, Aruba Airlines, Setar, Romar Trading y Ministerio di Cultura.