Mas di 12,500 florin na premio den kampaña

Willemstad- Kopa Mundial 2014 ta den su pik i Boolachand’s tambe ta den e ambiente ku su kampaña ofresiendo klientenan oportunidat di gana un Bose Home Entertainment System di 55 inch na balor di NAf 11,500. Tur esnan ku hasi nan kompra di NAf 100 òf mas na Boolchand’s Digital World, iWorld (na Zeelandia), Boolchand’s (Punda) òf ku kualke produkto Under Armour na ShoeWorld (Punda) te ku dia 5 di yüli próksimo lo risibí un kupòn pa partisipá na un ‘Penalty Shoot-Out’. For di tur esnan ku depositá nan kupòn den e tómbola, lo saka 16 partisipante pa por tira pinalti i purba gana e tremendo premionan den e kampaña di Kopa Mundial na Boolchand’s. E promé premio lo ta un Bose VideoWave entertainment system di 55 inch na balor di NAf 11,500, e di dos premio un Bose Solo TV Sound System na balor di NAf 765 i e di tres premio un Bose SoundLink Mini na balor di NAf 385. Tur 16 partisipante lo wòrdu yamá dia 7 di yüli pa nan partisipá den e kompetensia ku lo tuma lugá dia 12 di yüli riba e lugá di parker di DigitalWorld na Zeelandia.  Ademas di e ofertanan atraktivo pa e temporada di Kopa Mundial 2014 na Boolchands den Punda i Zeelandia, Boolchand’s Shoeworld tambe lo tin preisnan spesial riba sapatunan marka Uggs, Crocs, Naturalizer i Havaianas. Bishitá e página di facebook/ boolchandscuracao pa mas informashon tokante e produktonan i e ofertanan atraktivo ku lo tin enkonekshon ku Brazil 2014.