WILLEMSTAD —  E regalo perfekto pa bou di palu di Pasku e aña aki ta sea un karchi di entrada pa sekshon general o Red Carpet pa Festival di Tumba 2015.  Esaki lo por, pasombra djasabra awor AMAK ta tene su di dos gimmik. Djasabra awor dia 20 di desèmber 2014, for di 2 or pa 5 or di atardi, AMAK ta organisá su di dos gimmik pa asina ei pone algun karchi na preis redusí na pueblo di Kòrsou. Pa 60 florin, bo por haña bo entrada General pa e 4 dianan di Festival di Tumba 2015, miéntras ku pa Red Carpet esaki lo kosta apénas 300 florin. Pues e regalo ideal pa bou di Palu di Pasku dje aña aki ta  bo karchi di entrada pa Festival di Tumba 2015, na benta na preis spesial djasabra awor di 2 or pa 5 or na Curaçao Festival Center.